Siglir tar il cuntegn
Inhalt

Engiadina Il cartel da fabrica – IL tema a l'EbExpo

A l'EbExpo a Scuol èn sa preschentads radund 70 expositurs d'interpresas regiunalas – e tenor ils organisaturs èn arrivads puspè radund 7000 visitaders. In unic tema ha dentant dominà – l'affera da cartel en Engiadina Bassa.

Legende: Video L’affera da cartel en Engiadina Bassa è in tema brisant a Scuol a l’EbExpo abspielen. Laufzeit 02:45 Minuten.
Or da Telesguard dals 30.04.2018.

Atgnamain duess l’EbExpo a Scuol en la halla da glatsch Gurlaina esser ina preschentaziun d’industria e mastergn indigen – in lieu d’inscunter cun barat social e star da cumpagnia. Var 70 expositurs dad imterpresas regiunalas e radund 7000 visitaders han questa giada però gì mo in tema brisant: L’affera da cartel tranter las interpresas da construcziun en Engiadina Bassa.

Betg simpel per las interpresas da fabrica

Ils impressaris han era gì lur stands per sa preschentar. Per els n'èsi betg stà ina simpla fin d'emna. Ils responsabels da Foffa Conrad e Bezzola Denoth n'han betg vulì raquintar tge reacziuns che els han udì a lur stand. Ins ha dentant sentì ch'il tema procura per notgs senza sien.

Ils responsabels da l'interpresa Koch da Ramosch percunter han ditg envers RTR che las reacziuns na sajan betg stadas nauschas envers lur interpresa. I dettia era glieud che demussia ina tscherta chapientscha.

Success per l'Exposiziun

Ils organisaturs da l'EbExpo èn fitg cuntents cun ils trais dis da l'exposiziun da mastergn e commerzi. Era quest onn hajan visità radund 7000 persunas la EbExpo dian ils organisaturs. Ina haja dentant pruvà dad evitar che il tema dal cartell en il sectur da fabrica saja memia dominant durant l'exposiziun ha ditg il president da l'uniun da commerzi e mastergn da l'Engiadina Bassa Claudio Andry.

RR Telesguard 17:40