Siglir tar il cuntegn

Engiadina Il brunch dal 1. d’avust è adina puspè in eveniment

San Jon - la 'ranch' da chavals sur la vischnanca da Scuol envida gia blers onns la populaziun al brunch tradiziunal dal 1. d’avust.

Il bain puril San Jon sa chatta amez il guaud en vischinanza da la vischnanca da Scuol. Il brunch dal 1. d'avust è a San Jon. Quai è gia dapi onns tradiziun.

Dasper la part culinarica datti anc attracziuns sco ir en charrotscha cun chaval, in zoo da contact e l'ir a chaval cun ponis. Radund 450 persunas han sa laschà carmalar al brunch.

Brunchs d'emprim d'avust han success

En l'entira Svizra èn radund 140'000 persunas stadas ad in brunch d'emprim d'avust. Sco quai che l'uniun purila svizra scriva han 360 manaschis purils offrì il brunch tradiziunal per la festa naziunala. Er ils cussegliers federals Johann Schneider Ammann e Guy Parmelin èn stads preschents ad in brunch a Bussy-Chardonney, chantun Vad, respectivamain Münsingen, chantun Berna. Las pli bleras pussaivladads d'ensolver sin in bain puril hai dà en ils chantuns Berna, Tessin e Grischun. En il Grischun han 33 manaschis offrì l'ensolver per l'emprim d'avust.

RR actualitad 11:00/15:00