Siglir tar il cuntegn

Engiadina Ice Cricket: 100 milliuns miran sin San Murezzan

Durant dus dis ha lieu ina premiera mundiala sin il lai schelà da San Murezzan. Per l’emprima giada giogan profis da la scena da cricket sin ina surfatscha alva betg usitada.

Legende: Video San Murezzan sin tut ils chanals abspielen. Laufzeit 2:36 Minuten.
Or da RTR dals 09.02.2018.

Las duas squadras da cricket sa cumponan da gronds nums en la scena dal sport englais. Cunquai che pliras legendas da cricket da l’India, il Pakistan, Sri Lanka, Australia, Nova Zelanda, Africa dal Sid ed Engalterra èn da la partida, spetgan ils organisaturs da l’eveniment er blers fans dal sport a San Murezzan.

Eveniment duai s’etablir

Cunquai ch’il «Amul St. Moritz Ice Cricket» ha lieu durant l’emna, pon ils organisaturs er profitar da l’infrastructura ch'è gia avant maun dal turnier da Polo sin naiv e dal White Turf. Sco ch’ils organisaturs enturn Vijay Singh scrivan, vul ins dar temp a l’eveniment da s’etablir en l'Engiadina e daventar ils proxims 4 fin 5 onns in termin fix en la scena da cricket.

RR novitads 06:00