Siglir tar il cuntegn

Header

cuntegn

Engiadina I vegn stgir tar Lü stailas

Sch'i na dat ina miracla sin la fin da quest mais sto l'Alpine Astrovillage Lü Stailas serrar sias portas. La vischnanca smanatscha cun la scussiun sche l'observatori na paja betg enavos ils daners empristads.

audio
Mezdi: Lü stailas curt avant la fin
ord Actualitad dals 21.04.2017.
laschar ir. Durada: 2 minutas 40 Secundas.

Il 2009 han Vaclav e Jitka Ourednik avert a Lü l'observatori Alpine Astrovillage Lü Stailas. Ussa pudessi esser ch'els bandunan la Val Müstair perquai che la vischnanca pretenda enavos l'emprest da 266'000 francs sin la fin d'avrigl. Quai rapporta la gasetta Südostschweiz.

Avant otg onns ha l'anteriura vischnanca Lü dà questa garanzia per ch'ils conjugals Ourednik han insumma pudì prender en funcziun l'observatori.

Dapi l'entschatta ha l'observatori dentant gì da sbatter cun problems finanzials.

Tenor ils Ouredniks na possia l'observatori betg vegnir manà a moda economica. Entradas da 150'000 francs na bastian betg per far amortisaziuns annualas da 57'000 francs. Avant duas onns hai dà l'emprima scussiun da la vischnanca.

Il president communal da la Val Müstair Rico Lamprecht di ch'i haja dà ina proposta che la vischnanca avess surpiglià il stabiliment. Quella n'haja ins dentant betg pudì realisar. Ussa stoppian ils Ouredniks pajar las ratas tenor contract uschiglio stoppia Lü Stailas declerar il concurs. Ils Ouredniks sez na vesan betg pli ina soluziun a temp util. Quai han els confermà envers Radiotelevisiun Svizra Rumantscha RTR.

RR actualitad 12:00

Artitgels legids il pli savens