Siglir tar il cuntegn
Inhalt

Engiadina Hotels e chasas da vacanzas a Scuol cun perditas pervi da bovas

Las bovas dad avant 3 emnas a Scuol n’han betg mo chaschunà donns da material, percunter er donns economics.

Ils donns da las bovas vesan ins era en la fracziun da Pradella.
Legenda: Ils donns da las bovas vesan ins era anc en la fracziun da Pradella. RTR, R. Mayer

La Val S-charl è stada serrada bunamain 10 dis. En S-charl, en la fracziun da Scuol datti dus hotels. Il turissem dal di è crudà ensemen totalmain. Ma er quai che pertutga las pernottaziuns. Ils giast ch’eran en S-charl èn vegnids sgulads ora cun il helicopter, giast novs hai dà mo pacs.

La perdita en Val S-charl, che nagin surpiglia, surpassa ils 100’000 francas. Er la fracziun da Pradella ha sumegliants donns economics. Duas chasas da vacanzas cun radund 140 plazzas èn donnegiadas e restan serradas fin la fin da l’onn. Quellas avessan gì occupà per radund 10 emnas.

Legende: Video Co vinavant cun il champ d’uffants da la Crusch blaua a Pradella suenter la bova avant trais emnas? abspielen. Laufzeit 05:30 Minuten.
Or da Actualitad video dals 17.08.2015.