Siglir tar il cuntegn

Header

cuntegn

Engiadina Hotel Schweizerhof resta avert il proxim enviern

Il hotel Robinson Club Schweizerhof a Vulpera resta tuttina avert l'enviern che vegn. Quai ha communitgà la Robinson Club GmbH che maina il hotel.

audio
Mezdi: Schweizerhof resta avert
ord Actualitad dals 02.07.2015.
laschar ir. Durada: 3 minutas 34 Secundas.

La raschun per la decisiun sajan surtut stadas las pendicularas Motta Naluns. L’emna passada hai numnadamain anc gì num ch’il manaschi dal hotel vegnia a serrar las portas la fin da questa stad, oravant tut er pervi dal ferm franc svizzer.

En novs discurs tranter la possessura da l’hotel, il gestiunari e da nov er las pendicularas Motta Naluns hajan ins pudì sviluppar in nov model che lubeschia da laschar avert il hotel anc durant almain ina proxima stagiun d’enviern. Detagls davart la nova cunvegna n’ha Ingo Burmester, il mainafatschenta da la Robinson Club GmbH che gestiunescha il Schweizerhof, betg vulì tradir. Era davart l'interpresa che posseda l'hotel, la LMEY investments n'èsi betg stà pussaivel da survegnir declaraziuns.

Cun 130 chombras e radund 120 plazzas da lavur è l’hotel Schweizerhof in dals gronds hotels en l’Engiadina Bassa. 98% dals giasts derivan ord la zona da l’Euro.

audio
Saira: Robinson Club Schweizerhof vul agid da la regiun
ord Actualitad dals 02.07.2015.
laschar ir. Durada: 2 minutas 2 Secundas.

Pendicularas vulan sustegn per lur engaschament

Las pendicularas Motta Naluns Sa han fatg concessiuns finanzialas e desistan dad ina part dal fit per il restorant da muntogna che è reservà per ils giasts dal Schweizerhof.

Ussa pretendan las pendicularas che auters partenaris da la regiun duain surpigliar ina part dals daners che las pendicularas perdan.

IlHotel Schweizerhof a Vulpera ha procurà per lingias grassas l'ultim temp:

Artitgels legids il pli savens