Siglir tar il cuntegn
Inhalt

Engiadina Hotel La Margna cun nov futur

Pussaivel fa quai l’investider che posseda l’hotel dapi il 2013, la gruppa d’hotels «Grace Hotels». Els vulan manar en in nov futur l’hotel ch'exista dapi l’onn 1907. L’istorgia da quest duess restar visibel.

Model dal project hotel Margna a San Murezzan
Legenda: L'hotel istoric cun in nov complex gartmann.biz

Per che l’hotel po vegnir manà enavant, è ina sanaziun ed in engrondiment necessari. Perquai dovri dentant sco emprim in midament da la zona actuala en ina zona d’hotels. Il cussegl communal da San Murezzan ha deliberà questa decisiun per mauns da la votaziun a l’urna als 13 settember. Lura duai la populaziun decider davart il midament da zona ed il contract da servitut tranter la vischnanca politica da San Murezzan e la Margna Holdings GmbH.

Hotel en categoria da pretschs auts

Ils Grace Hotels èn hotels pli luxurius che na vegnan dentant betg valità cun stailas. Sche tut va sco giavischà, duai ina part da l’hotel gia avrir las portas per il campiunadi mundial da skis 2017. Tut l’hotel duai esser a fin la fin da l’onn 2017.