Siglir tar il cuntegn

Engiadina Hotel La Margna a San Murezzan po vegnir renovà

San Murezzan ha concedì la permissiun da construcziun per renovar ed engrondir l'hotel La Margna.

model dal hotel la margna
Legenda: Uschia duai l'hotel La Margna a San Murezzan sa preschentar en avegnir. gartmann.biz

San Murezzan ha concedì la permissiun da construcziun per l'hotel La Margna che vegn ad avair num en avegnir «Grace St. Moritz». La vischnanca da San Murezzan ha confermà la communicaziun da la societad «Hotel La Margna Holdings Gmbh».

Renovaziun cumpletta

Sis mais suenter il gea da la populaziun da San Murezzan a la midada da zona La Margna è ussa sin maisa la permissiun da construcziun. Uschia po la Hotel La Margna Holdings renovar ed engrondir l'hotel.

L'hotel che sa numna en avegnir Grace St. Moritz vegn ad offrir 60 chombras e suitas, 3 restaurants ed in grond spazi da wellness. L'hotel existent vegn renovà dal tuttafatg. En pli datti al vest da l'hotel in edifizi annex. Las lavurs da fabrica cumenzan suenter questa primavaira e duain durar radund 2 onns.

RR novitads 12:00