Siglir tar il cuntegn

Header

Navigaziun

Hotel Klarer Zuoz
Legenda: L'hotel Klarer serra la fin d'avrigl 2017 Hotel Klarer
cuntegn

Engiadina Hotel Klarer a Zuoz serra

Rita Klarer, la possessura da l'hotel Klarer a Zuoz ha confermà a Radiotelevisiun Svizra Rumantscha ch'ella serra ses affar la fin d'avrigl. Il motiv principal sajan las circumstanzas economicas. Questas procurian schon dapi pli ditg per mal il magun, di Rita Klarer.

Schebain la decisiun è definitiva saja dentant anc avert. La finamira restia da chattar ina soluziun per manar vinavant l’hotel en ina furma u l’autra.

Spetgar sin resultats d'evaluaziun

Il mument sajan els vidlonder d’evaluar la situaziun actuala da l'affar ha ditg Rita Klarer. «Co statti cun las finanzas e las pussibilitads per in futur da l'hotel?», quai èn las dumondas per pudair dar respostas sin pussibilitads per il futur. La finamira saja da puspè avrir l'affar l’enviern.

Il hotel e restaurant cun furnaria e pastizaria Klarer exista dapi il 1923 e vegn manà en terza generaziun a Zuoz.

Sche l’affar va propi serrà fiss quai in grond donn per la vischnanca.
Autur: Flurin WieserPresident communal, Zuoz

Co e sche la vischnanca sa porscher maun per chattar ina soluziun è al mument impussibel dir uschè il president communal, Flurin Wieser. Ins vegn dentant segir a tschertgar il discurs cun la possessura da l'hotel.

RR novitads 12:00