La vischnanca da Segl ha deliberà la revisiun da la planisaziun locala a Furtschellas per l’exposiziun da cooperaziun publica. La zona da fabrica existenta enturn la staziun a val da la pendiculara Furtschellas duai vegnir midada en ina zona d’hotel. En quella zona duai esser pussaivel da fabritgar a moda fitg concentrada in hotel integrà en la staziun a val da la pendiculara.
Signals positivs dals uffizis
Ils uffizis chantunals ma era la Cumissiun federala per la protecziun da la natira e da la patria han evaluà la revisiun proponida da la vischnanca da Segl. La cumissiun federala na beneventa da principi betg in grond project en la zona sensibla tranter il lai da Segl ed il lai da Silvaplauna. La cumissiun federala po dentant s’imaginar ch'in fabricat a moda fitg concentrà po amegliurar la situaziun actuala cun ina gronda plazza da parcar enturn la pendiculara.
La vischnanca da Segl vul vuschar a la radunanza communala dals 25 zercladur davart la revisiun da la planisaziun locala Furtschellas.