Siglir tar il cuntegn

Header

cuntegn

«Hike and Bike together» Sensibilisar per dapli respect tranter viandants e velocipedists

Quai è la finamira da l'occurrenza «Hike and Bike together», ch'ha lieu questa fin d'emna a San Murezzan.

Temp da stad è per blers temp dad ir a viandar, per auters temp dad ir cul velo. Il potenzial per conflicts tranter questas duas gruppas è perquai grond.

La polizia communala da San Murezzan vul sensibilisar la glieud da mussar respect in envers l'auter. Gia pitschnas chaussas tanschian, di il policist da bike da la polizia communala da San Murezzan:

Velocipedists duain sa far udir a temp e surpassar viandants cun tempo moderà.
Autur: Claudio CaprezPolicist da bike

Quai saja numnadamain savens quai che chaschunia ils conflicts, di era Paul Müller, manader tecnic da Wanderwege Graubünden. Velocipedists che surpassian memia spert e memia damanaivel viandants. Ses appel:

Velocipedists, hajas curaschi da duvrar vossa stgellina!
Autur: Paul MüllerManader tecnic Wanderwege Graubünden

La convivenza da bikers e viandants sin las sendas da viandar en Grischun funcziunia tuttina bain. Da quest'opiniun èn ils policists da San Murezzan sco era la manadra da la scola da bike Engiadina, Laura Breitenmoser ed era Darco Cazin, ch'ha fundà Allegra Turissem. Per el sta ina dumonda en il center da tut las discussiuns:

Nua ston ins separar bikers e viandants e nua bastan autras mesiras?
Autur: Darco CazinFundatur Allegra Turissem

Cun ina buna planisaziun possian ins evitar blers conflicts. E quai saja il Grischun sin ina fitg buna via, surtut en congual cun autras destinaziuns turisticas en Svizra.

RR actualitad 11:00