Siglir tar il cuntegn

Header

Navigaziun

cuntegn

Engiadina Hansjürg Badrutt è mort

L’hotelier ed anteriur possessur dal hotel Badrutt’s Palace, Hansjürg Badrutt è mort. Quai resorta da l'annunzia da mort da la famiglia e quai conferma il Badrutt's Palace Hotel.

Hansjürg Badrutt è mort ils 29 da november en la vegliadetgna dad 86 onns a San Murezzan. El è stà l’ultim da la dinastia Badrutt che ha manà in dals hotels da luxus ils pli enconuschents dal mund. Quai suenter Caspar Badrutt , Hans Badrutt e ses frar Andrea Badrutt.

L'onn 2006 han Hansjürg Badrutt e sia dunna Anikó decidì che l'actual mainafatschenta e delegà dal cussegl d'administraziun (Managing Director & Delegate of the Board) dal Badrutt's Palace, Hans Wiedemann, daventia ses ertavel. Actualmain è la dunna dal defunct, Anikó Badrutt l'acziunaria principala.

Hansjürg Badrutt aveva manà l'hotel enfin l'onn 1999 e lura surdà il management dal hotel a la chadaina da hotels da luxus Rosewood Hotels & Resorts.

RR novitads 12:00