La halla da Gurlaina ha cumbattì cun buns e nauschs temps, betg adina tanschevan las finanzas. Oz é quai ina societad d’aczias che vegn purtada oravant tut da las vischnancas en la regiun.
Sper numerus champs da hockey per giuvenils han scuvrì ils ultims onns pli e pli clubs da hockey cun renum naziunal ed internaziunal questa halla da glatsch. Uschia han gia chattà clubs da Barys Astana dal Kasachstan enfin als ZSC Lions la via en l’Engiadina Bassa.
Halla Gurlaina dispona dad in'infrastructura modernisada
Tenor Marco Ritzmann, president dal Club da Hockey Engiadaina èn ils motivs principals per quest success oravant tut che l’infrastructura è adina puspè vegnida modernisada ils davos onns e che tut sa chatta sut in tet.
Da quest fat na profita betg mo la halla da glatsch: la preschientscha da clubs da hockey cun renum è ina buna recloma per tut la regiun.
