Siglir tar il cuntegn
cuntegn

Engiadina Gudogn da 2,9 milliuns francs per Schlarigna

Il quint annual 2016 da la vischnanca serra cun in plus pli aut che budgetà. Il resultat allegraivel haja da far surtut cun entradas d’impostas pli autas sco ch’ins aveva fatg quint, scriva il cussegl communal en la missiva.

Baselgia San Gian
Legenda: La baselgia San Gian, il tipic maletg da Schlarigna. RTR

La radunanza communala da Schlarigna ha dad approvar il rendaquint, che cuntegna investiziuns nettas da 6,1 milliuns francs.

Cunvegnas e contracts

Sper il quint annual han ils votants e las votantas da Schlarigna er da decider davart il transfer da prestaziuns dals differents purtaders regiunals. Quels eran fin uss ina lezia dal circul d’Engiadin’Ota. A partir dal 2018 n’exista quel betg pli. Nov è la Regiun Malögia en vigur.

La radunanza communala da Schlarigna ha lieu ils 12 da zercladur 2017.