Siglir tar il cuntegn

Header

Navigaziun

cuntegn

Engiadina Grondas investiziuns

Cun in’emprima badigliada ha la scola media a Zuoz cumenzà il schlargiament dal campus en direcziun ost. Il Lyceum Alpinum vul augmentar la valurisaziun regiunala. Quai cun augmentar il dumber da scolars dad oz radund 300 sin 370 e sa meglierar anc pli ferm en il sectur da qualitad.

Ils proxims 5 onns vul il Lyceum investir 40 milliuns francs. En in emprim pass engrondescha la scola media il campus cun in nov edifizi «Urezza». Quai per 18,5 milliuns francs. Grazia a quest nov fabricat possian era las chasas d’internat existentas vegnir renovadas successivamain, ha infurmà il rectur da la scola media, Balz Müller.

Novas stanzas da scola e d'internat

En il project Urezza vegnan ad esser stanzas da scola per art e musica sco er 64 stanzas d’internat per las mattas pli veglias. Plinavant vegn schlargiada la sala da mangiar inclus la cafetaria, ed er ina plazza da sport e novas localitads per la lavandaria fan part dal nov project che duess esser pront per avust dal 2017.

Totalmain èsi planisà investiziuns da circa 40 milliuns francs aifer ils proxims 5 onns.
Legenda: Totalmain èsi planisà investiziuns da circa 40 milliuns francs aifer ils proxims 5 onns. MAD