Ir a far ina cumpra, purtar laina en chasa, far in viadi cun auto tar il medi e bler, bler auter. Al banchet che ha lieu en il hotel Laudinella a San Murezzan piglian part radund 150 voluntaris. En il Grischun datti passa 1'000 persunas che s’engaschan voluntariamain, ina giada be in pèr minutas e l’autra giada era in mez di. In sumegliant engaschi na fiss betg pussaivel da pajar, perquai engrazia la Pro Senectute a tut quellas persunas che s’engaschan senza dumandar in cotschen.
Era davart da la regenza vegn in engraziament, il cusseglier guvernativ Jon Domenic Parolini vegn era ad esser da la partida.
RR actualitad 17:00