Grond bainvegni per il campiun mundial da viturins ad Ardez

Giacomin Barbüda è turnà da l’Ungaria cun ses chaval Nesqu. La vischnanca d’Ardez ha fatg bainvegni ad el.

Laschar ir video «Festa da bainvegni per Giacomin Barbüda»

Festa da bainvegni per Giacomin Barbüda

3:20 min, dals 15.9.2016

Duas giadas campiun mundial

Per la segunda giada è Giacomin Barbüda daventà campiun mundial. L’emprima giada il 2000 sco curridur da passlung en Svezia. Ed ussa al campiunadi mundial da viturins en Ungaria è Giacomin Barbüda cun ses chaval Nesqu daventà danovamain campiun mundial en la categoria da chavals giuvens.

Grond bainvegni ad Ardez

La vischnanca d’Ardez ha organisà ina festa da bainvegni. Sin la plazza principala dal vitg d’Ardez ha chantà il cor ed il burgamester da la vischnanca da Scuol Christian Fanzun ha beneventà il campiun mundial Giacomin Barbüda en sia vischnanca natala.