Siglir tar il cuntegn
cuntegn

Engiadina Glisch verda per las chasas da tgira en Engiadin’Ota

Il departament da giustia, segirezza e sanadad dal chantun Grischun ha dat glisch verda per l’elavuraziun dad in project preliminar per Promulins a Samedan e Du Lac a San Murezzan.

La tgasa da tgira e attempads Promulins a Samedan
Legenda: La tgasa da tgira e attempads a Samedan mad

In occasiun dad ina sairada d’infurmaziun publica in avrigl 2017 a Puntraschigna davart las furmas futuras da l’ospital, il traffic public, la plazza aviatica e la chasa da tgira Promulins avevan ils presidents communals surdat al manader dal uffizi da sanadad ils duos dossiers per la realisaziun communabla da las chasas da tgira a Samedan e San Murezzan.

Previs èn la realisaziun da mintgamai 60 letgs da tgira a Promulins a Samedan e Du Lac a San Murezzan.

Finanziaziun

Davart dal chantun èn previs subvenziuns en l’autezza da radund 3.7 milliuns francs. 1.8 milliuns per la midada da chombras cun 2 letgs en chombras cun sulettamain 1 letg e 1.9 milliuns francs per l’augment dals letgs da tgira.
Las subvenziuns vegnan repartidas mintgamai la mitad sin ils duos purtaders a Samedan e San Murezzan.

Al project surmenziunà sto anc la regenza grischuna decider definitivamain.