Siglir tar il cuntegn

Header

cuntegn

Gieus olimpics d'enviern 2026 Engiadina pudess profitar da Livigno sco Host City

Ils gieus olimpics d'enviern han lieu en stgars set onns en la Lombardia. Pliras disciplinas èn previsas er a Livigno. Tenor il president communal vegnian er duvrads letgs en Engiadina per ademplir las pretaisas dals organisaturs.

chasa communala
Legenda: Paucs dis suenter la decisiun ha Livigno decorà la chasa communala RTR, Selina Camichel

Ils gieus olimpics d'enviern han lieu en stgars set onns en la Lombardia. Pliras disciplinas èn previsas er a Livigno. Tenor il president communal da Livigno, Damiano Bormolini vegnian er duvrads letgs en Engiadina per ademplir las pretaisas dals organisaturs. Ultra da quai pudess l'Engiadina tut tenor er anc profitar dal fatg ch'i dat a San Murezzan il chanal da glatsch per las cursas da bob.

audio
Bunura: Livigno – Engiadina profitescha dals gieus olimpics 2026
ord Actualitad dals 13.07.2019.
laschar ir. Durada: 2 minutas 4 Secundas.

Sfida logistica

A Livigno vegn realisada per l'onn 2026 ina vischnanca olimpica per var 1'300 persunas. Suenter ils gieus olimpics vegnan quellas localitads puspè demontadas. Ils proxims onns investescha Livigno surtut en parcadis or en la periferia. Quai per sviar il traffic dador la vischnanca.

Dumonda d'access averta

La regiun da Livigno, deliberada dal dazi è cuntanschibla da Bormio sur il Passo del Foscagno, tras il tunnel nà da l'Engiadina e da stad sur la Forcola di Livigno. Damiano Bormolini spera anc adina ch'il chantun Grischun faschess in'exepziun cun avrir il pass er durant l'enviern. La regenza Grischuna ha dentant gia respundì ina giada la dumonda en furma negativa.

RR actualitad 07:00

Artitgels legids il pli savens