Siglir tar il cuntegn

Header

Navigaziun

Legenda: Guardar il video Gieus olimpics 2026: Discussiun da podi a Puntraschigna. Durada 02:55 minutas.
Or da Telesguard dals 17.01.2017.
cuntegn

Engiadina Gieus olimpics 2026 – quo vaditis?

Gea, nua giais (lat. quo vaditis)? Restais en Grischun u forsa betg? Al podium da discussiun en il Rondo a Puntraschigna han radund 300 auditurs pudì tadlar las opiniuns dals aderents e adversaris.

Far activamain sport, quai è circa l’unic punct nua che las duas partidas (Silva Semadeni, Peter Peyer adversaris e Duri Campell, Michael Pfäffli sco aderents) èn da la medem'idea.

Entant ch'ils aderents èn persvas che gieus olimpics dattan economicamain e turisticamain nov schlantsch, èn ils adversaris da l’avis che gieus olimpics procuran sulettamain per debits al chantun. Per els è il comité olimpic internaziunal (IOC) ina societad corrupta.

Dasper ils politichers versads han era dus giuvens gì la pussaivladad da prender posiziun. Janick Walther da Puntraschigna, che fa activamain sport, è persvas che gieus olimpics han in effect positiv per promover il sport tar la generaziun giuvna. Fabian Camenisch, student da Cuira, è da l'avis che tals events chaschunan ina fora finanziala per il chantun e per la Confederaziun. Ils giuvens politichers han sa dustà cun success, il public ha gì plaschair da lur engaschament.

Schebain ils gieus olimpics han ina schanza u betg, quai stat anc en las stailas. Il proxim pass èn las votaziuns dals 12 da favrer 2017.

RR actualitad 07:00