Giasts bloccads 1 ura e mesa sin la sutgera Salastrains

Pervi d'in disturbi tecnic il suentermezdi a las trais èn plirs skiunzs stads bloccads. 1 ura e mesa era la sutgera da Salastrains sur San Murezzan ord funcziun. Sco l’Engiadina Mountains SA scriva eran blers giasts sin las sutgeras.

Ina sutgera cun skiunz.

Legenda da maletgs: La sutgera da Salastrains dal territori da skis Corviglia. Keystone

Il territori da Corviglia è bain occupà il mument ed il suentermezdi eran tenor la Engiadina Mountains SA anc bleras persunas sin pista. Pervi da la stgiradetgna è la colonna d’agid e la Rega vegnida alarmada. Il team tecnic da las pendicularas ha alura pudì schliar il problem uschia che tut ils giasts han pudì vegnir cun la sutgera a val.

Sco la Engiadina Mountains SA scriva vegn la sutgera Salastrains ad esser en funcziun damaun.

RR novitads 18:00