Siglir tar il cuntegn

Header

audio
Gian Gilli è stà ad alp
Or da Actualitad dals 18.09.2021.
laschar ir. Durada: 7 minutas 3 Secundas.
cuntegn

Gian Gilli Tranter vatgas, muntognas e natira selvadia

L’anteriur directur dal campiunadi mundial da skis 2017 a San Murezzan, Gian Gilli, ha passentà ils ultims trais mais sco paster en l’Alp Timun, en la Val Laviruns. Ensemen cun Riet Planta ha el tgirà 300 vatgas.

Per mai è quai stà in’experientscha sensaziunala e grazia l’agid ed il savair da Riet Planta in’aventura nunemblidaivla.
Autur: Gian Gilli paster en l'Alp timun

Sutvalità haja el surtut ch’ins saja en media tschintg fin sis uras al di en viadi a pè sur munts e vals, per controllar las vatgas mamma – ha ditg Gian Gilli. L’um sportiv ha tras quai anc pers plirs kilos pais, admetta’l cun ina risada en fatscha.

 

 

En tut èn ils dus pasters engiadinais chaminads durant il temp ad alp passa 1’000 kilometers. Quai ves’ins er vid la fisionomia da Gian Gilli. Ch’el haja pers bun 5 kilos pais.

Per avair colliaziun cun il telefonin avain nus gì da chaminar ensi 600 meters. Nus avain perquai giudì la quietezza totala.
Autur: Gian Gilli cussegliader e coach professiunal

Las sairas hajan els passentà cun scriver diari, faschond musica ensemen e cun ir baud en letg, uschia Gian Gilli tut intgantà.

Sch’i vegn a dar ina repetiziun proxima stad ad alp, na possia el anc betg dir. Dentant sch’el vegnia dumandà gist ussa, lura dettia in cler gea.

RTR actualitad 07:00

Artitgels legids il pli savens