Siglir tar il cuntegn

Engiadina Giacomin Barbüda al campiunadi mundial da viturins

Sco unic Svizzer è Giacomin Barbüda d'Ardez sa qualifitgà per ils campiunadis mundials da viturins en Ungaria. Per il mument è el a Neuchâtel en in champ da trenament.

Legende: Video Pronts pel campiunadi mundial abspielen. Laufzeit 03:28 Minuten.
Or da Actualitad video dals 24.08.2016.

Dals 8 enfin als 12 da settember èn ils campiunadis mundials da viturins cun chavals giuvens. Sco unic Svizzer è sa qualifitgà Giacomin Barbüda d'Ardez. El ha sez in allevament da chavals. Nesqu, il chaval cun quel ch'el piglia part als campiunadis mundials, è er da l’agen allevament.

In sport pauc enconuschent

En il center da quest sport vai per la sveltezza, l’eleganza e la coordinaziun tranter chaval e viturin. Tut quai vegn fatg sin in parcours en la natira.

La finamira da Giacomin Barbüda al campiunadi mundial è clera – rivar en la runda finala. En la categoria viturin cun chavals giuvens èn da la partida chavals fin a 7 onns.