Siglir tar il cuntegn

Engiadina Futur segirà per Openair-Kino dal Parc Naziunal Svizzer

Il kino sut tschiel liber a Zernez è garantì grazia ad in engaschament finanzial per ils proxims trais onns.

La curt dal Chastè Planta-Wildenberg durant ina represchentaziun da kino sut tschiel liber
Legenda: Las represchentaziuns da films attiran tant a giasts sco er ad indigens en la curt dal Chastè Planta-Wildenberg schweizerjaeger.ch

Sco quai ch’il Parc Naziunal Svizzer scriva en sia communicaziun, hajan las duas interpraisas “Ouvras Eletricas Engiadina” e “Corporaziun Energia Engiadina” suttascrit in contract da sponsoring per l’eveniment.

Uschia saja garantida ina cuntinuaziun da l’eveniment che exista dapi il 2002.

L'Openair da kino ha lieu quest onn dals 17 fin als 22 da fanadur 2015 en la curt dal chastè Planta-Wildenberg a Zernez.

RR novitads 12:00