Futur da la halla da chavaltgar è intschert

Auter che spetgà n’ha il cussegl communal da San Murezzan betg decidì davart il futur da la halla da chavaltgar. La cumissiun da la halla da chavaltgar ha sulettamain preschentà las variantas pussaivlas.

Vista sin la halla da chavaltgar.

Legenda da maletgs: Ina varianta fiss da sanar la halla da chavaltgar. RTR, D. Spinnler

Las variantas fissan da strair giu la halla, sanar ella per 4 milliuns francs u far ina halla d’events per 11,8 milliuns francs. A la proxima seduta d’infrastructura duajan las variantas vegnir discutadas da nov.

Novas cumissiuns

Ultra da quai ha il cussegl communal decidì da furmar ina cumissiun da gestiun per il center da sport Ovaverva ed ina cumissiun temporara chasa da tgira San Murezzan.