Siglir tar il cuntegn

Header

cuntegn

Furnaria Grond Cun pliras filialas èsi pli facil da surviver

En tut tutgan tschintg fin sis filialas a l’interpresa «Grond furnaria», tut tenor stagiun. Dapi l’onn 2003 ha Didier Grond engrondì successivamain ses «imperi» en Engiadin'Ota. Actualmain è el preschent cun ses products a Segl, Silvaplauna, Puntraschigna e La Punt Chamues-ch.

Igl è pli simpel sch’ins ha ina tscherta grondezza.
Autur: Didier Grond furner ed affarist

Cun var 45 emploiads haja ses affar ina dimensiun ideala. El possia reagir tut tenor stagiun. Uschia è la pastizaria a Puntraschigna actualmain ordavant vid producir tschigulatta per ils affars d’enviern.

audio
Bunura: Furnarias – Dovri ina tscherta grondezza per surviver?
ord Actualitad dals 06.11.2019.
laschar ir. Durada: 2 minutas 53 Secundas.

Products da nischa

Sper la purschida da paun e pastizaria saja fitg impurtant da porscher a la clientella insatge spezial, uschia l’affarist. Ultra da quai saja d’avantatg da cumbinar las furnarias cun lur butias er anc cun in agen café. Cun ils restaurants a Segl ed a Puntraschigna attira l’interpresa da la famiglia jaura la clientella er il suentermezdi. Entant ha l’affarist Didier Grond er plans per cumplettar la butia a Silvaplauna cun in café.

RR actualitad 07:00

Artitgels legids il pli savens