Fin ussa ha Clifford Errol Bruckmann, che ha absolvà la Scola auta dals arts a Turitg, manà dus locals d'exposiziun cun ils nums «unanimous consent» e «Hamlet» a Turitg. Dapi passa diesch onns è el activ en exposiziuns internaziunalas e coorganisescha dapi l'onn 2018 exposiziuns e projects en Svizra ed en ils Stadis Unids. Cun sia nova sfida sco manader artisctic daventa Bruckmann il successur da Christof Rösch.
Dapi il 1999 ha Christof Rösch manà sco directur la chasa d'artists e dapi il 2005 la Fundaziun Nairs. Il 2017 è el vegnì undrà cun il premi da renconuschientscha dal Grischun per sia lavur sco architect ed artists sco era cuninventader e manader da la Fundaziun Nairs.
