Siglir tar il cuntegn
Inhalt

Engiadina Fundaziun è la nova furma giuridica da l'Ospital regiunal

En l'ultima sesida d'existenza dal Circul d'Engiadin'Ota han ils 33 cussegliers regiunals approvà cun 23 cunter 9 vuschs la transfurmaziun da l'ospital Samedan e la Chasa da tgira Promulins en la fundaziun provediment da sanadad Engiadin'Ota.

sala cun glieud
Legenda: Sala plaina durant la davosa sesida dal Circul d'Engiadin'Ota. RTR, Anna Caprez

Quel midament è stà necessari pervia da l'aboliziun dals circuls suenter la refurma da territoris. Per l'Engiadin'Ota avevi dà anc in onn en pli per reglar e transfurmar tut las lezias e duairs a la nova Regiun Malögia.

Preschientscha cun effect

Durant la decisiun sch'il parlament vul uss approvar il pass da transmidar l'Ospital Samedan en ina fundaziun u betg, èn era stads preschents bun 30 emploiads da l’Ospital Samedan. In na vess muntà per ils emploiads da perder il contract da lavur cun la fin da l'onn. Che gista tants èn viagiads a Zuoz per esser da la partida tar la decisiun dal cussegl regiunal, haja segir gì ina tscherta influenza almain emoziunala tar ils parlamentaris, ha manegià il landamma, Gian Duri Ratti.

ospital Samedan
Legenda: La nova furma giuridica dal Ospital a Samedan è a partir dal 2018 ina fundaziun. RTR, D. Spinnler

Malgrà plirs votums da betg entrar en la discussiun e da spustar la tractativa da transfurmaziun sin l'auter onn, uschia che la populaziun avess er anc in pled en chapitel, ha la maioritad dals cussegliers finalmain decis per scrutini da dar glisch verda a la nova furma giuridica per l'ospital.

RR novitads 17:00