Siglir tar il cuntegn
cuntegn

Engiadina Fundaziun da la pli gronda plaiv refurmada en Grischun sut tetg

Or da las otg corporaziuns evangelicas tranter Segl e S-chanf nescha bainprest in'unica corporaziun, la 'Baselgia evangelic-refurmeda d’Engiadin’Ota'. Quella va en vigur a partir dal 1. da schaner 2017 ed ha in budget da stgars 3,1 milliuns francs.

A la radunanza da fundaziun a Samedan han ils 154 votants e votantas approvà tant l’urden da baselgia sco er il pe da taglia, quel munta a 10.5 % da la taglia chantunala. Ultra da quai ha la radunanza decis d'abolir l’organisaziun tetgala 'Il Binsaun' causa ch’i dat uss ina nov'organisaziun.

Il proceder per instradar la via en direcziun fusiun è stà inqual giadas fitg emoziunal e spinus.
Autur: Jon Manatschalcommember da la giunta

En tut han 40 persunas lavurà durant 1’200 uras vi dal project dad unir las otg plaivs ad ina unica. Ella cumpiglia ina surfatscha da bun 722 kilometers quadrats e 22 baselgias cun clutger. En la nova suprastanza èn represchentadas tuttas trais parts da l’Engiadin’Ota.

  • Segl-Silvaplauna-Champfèr: Gian Clalüna
  • San Murezzan: Marius Hauenstein
  • Samedan: Kurt Fische
  • Schlarigna: Markus Schnitzler
  • Puntraschigna: Lorenz Lehner
  • Las Agnas (Bever/La Punt): Miranda Küng-Nunzi
  • Zuoz-Madulain cun S-chanf: Gian Duri Ratti (president)

La La conferenza dals presidents ha elegì Gian Duri Ratti sco president da la nova plaiv refurmada d’Engiadin’Ota. Duri Schwenninger surpiglia a partir dal 2017 la funcziun d’administratur da la baselgia. Per infurmar la nova raspada davart activitads e cults divins, vegni a dar sper ina nova homepage er in magazin che cumpara duas giadas l’onn.

RR actualitad 07:00