Siglir tar il cuntegn

Header

Navigaziun

Ils edifizis Ospizi Chapella e Villa Gredig.
Legenda: Ils edifizis Ospizi Chapella e Villa Gredig a S-chanf survegnan sustegn dal chantun. cdm
cuntegn

Engiadina Fundaziun Chapella survegn daners dal chantun

Per las lavurs da sanaziun e da renovaziun dals edifizis Ospizi Chapella e Villa Gredig ha la regenza garantì a la Fundaziun Chapella ina contribuziun da 500’000 francs. Purtaders da la fundaziun è tranter auter la vischnanca da S-chanf.

Per pudair utilisar ils dus edifizis saja necessaria ina renovaziun cumplessiva, scriva la regenza grischuna. Tranter auter duajan ils tetgs ed ils indrizs sanitars vegnir sanads e las cuschinas vegnir remplazzadas. La Fundaziun vegn purtada da la vischnanca da S-chanf, da la Fundaziun lavuratori da scolaziun guaud da muntogna, da la citad da Thun, da la Scola auta bernaisa per l’economia forestala e da la plaiv evangelica da l’Engiadin’Ota.

Rinforzar collavuraziun cun lavuratori regiunal forestal

La scola auta bernaisa dovra ils edifizis mintgamai dal matg fin il november per porscher plaz a lur students e collavuraturs. La Fundaziun lavuratori da scolaziun guaud da muntogna vul engrondir ses center regiunal en quest lieu ed intensivar la collavuraziun cun ulteriuras instituziuns da perscrutaziun e cun ils lavuratoris regiunals dal forestalas.

RR novitads 09:00