Siglir tar il cuntegn
cuntegn

Engiadina Fundatur da Chapella Engiadina Rudolf Fliri è mort

Rudolf Fliri, il fundatur da la 'Chapella Engiadina' è mort venderdi en la vegliadetgna da 69 onns. Quai communitgescha sia figlia via facebook. El saja mort nunspetgadamain vi d’ina insuffizienza dal cor.

Rudolf Fliri cun la Chapella Engiadina
Legenda: Rudolf Fliri, segund da sanestra vi da la clarinetta, cun la Chapella Engiadina. I. Koch

Rudolf Fliri ha lavurà sco pur a Strada ed ha fatg bler per la scena da musica populara en Engiadina Bassa. Quai ha ditg Duri Janett, musicant dals Fränzlis da Tschlin, envers Radiotelevisiun Svizra Rumantscha. El haja apprezià fitg a Rudolf Fliri sco uman e musicant enormamain passiunà.

Passa 20 onns era Rudolf Fliri ultra da quai il dirigent dal chor maschadà da Strada/Martina. Ed el fascheva part da la 'furmaziun ad hoc da matinadas' da Strada e Tschlin. En questa furmaziun sco en la Chapella Engiadina sunava el la clarinetta.

Rudolf Fliri è mort en la vegliadetgna da 69 onns.

RR novitads 18:00