Rudolf Fliri ha lavurà sco pur a Strada ed ha fatg bler per la scena da musica populara en Engiadina Bassa. Quai ha ditg Duri Janett, musicant dals Fränzlis da Tschlin, envers Radiotelevisiun Svizra Rumantscha. El haja apprezià fitg a Rudolf Fliri sco uman e musicant enormamain passiunà.
Passa 20 onns era Rudolf Fliri ultra da quai il dirigent dal chor maschadà da Strada/Martina. Ed el fascheva part da la 'furmaziun ad hoc da matinadas' da Strada e Tschlin. En questa furmaziun sco en la Chapella Engiadina sunava el la clarinetta.
Rudolf Fliri è mort en la vegliadetgna da 69 onns.
RR novitads 18:00