Siglir tar il cuntegn

Engiadina Fundà comité da cumpromiss per ina Clinica Gut a San Murezzan

Persunalitads da San Murezzan or da differentas spartas han fundà in comité per chattar in cumpromiss tranter ils iniziants dal project ed ils adversaris. Il project prevesa da realisar sin l’areal «Serletta Süd» a San Murezzan in hotel da sanadad ed in nov edifizi per la Clinica Gut.

Model
Legenda: Il project che chaschuna discussiuns animadas a San Murezzan mad

Per insumma pudair intermediar tranter las duas partidas dovria quai dentant l’emprim in cler gea da la populaziun da San Murezzan, scriva il comité. Pir suenter possian ins empruvar da rabagliar tut ils involvids vi d’ina maisa

Gruppaziun independenta

A la testa dal comité che vul chattar in cumpromiss en chaussa è l’um d’affars e president da la vischnanca burgaisa da San Murezzan, Alfred R. Riederer. Era part dal comité fan: l’hoteliera Nina Hauser, il deputà dal Cussegl Grond Mario Salis, il medi Katrin Hagen, ils umens d’affars Felicitas Caviezel Thomas Kriemler ed ils dus cussegliers communals Adrian Lombriser Gian Marco Tomaschett.

La populaziun da San Murezzan decida ils 18 d’october 2015 a l’urna davart l’areal «Serletta süd».