Siglir tar il cuntegn
Inhalt

Engiadina Ftan: Project nova chascharia sin buna via

Dapi var trais onns èn ils purs da Ftan vi dal project per ina nova chascharia. Pervia ch'il chantun ha pretais in plan d’areal ha stuì vegnir fatg in project sur l’entir areal. Quel è ussa sin maisa e pront per la fasa finala.

Ina nova chascharia ha per ils purs da Ftan emprima prioritad. La chascharia veglia ch'è anc oz en funcziun deriva da l'onn 1959 e na correspunda betg pli a las pretaisas d’ozendi. Il manaschi da quella po vegnir manada enavant be cun in permiss transitoric. Sche tut va bain dura il proceder radund in onn. Emprim sto il suveran da Scuol però approvar il plan d’areal e silsuenter anc la regenza.

La chascharia ha prima prioritad

Il project sur l'entir areal prevesa en il center la chascharia cun chasas da pliras famiglias e biros. Perquai che la chascharia fa prescha, duess quella vegnir fabritgada en ina emprima fasa. Pli tard lura l'emprima chasa nua ch'i vegniss integrà in bistro ed ina butia che vegnissan era manads da la chascharia.

RR actualitad 11:00