Siglir tar il cuntegn

Header

cuntegn

«Föglin da Silvaplauna» Suenter 30 onns cumpara l’ultima ediziun

Texts e poesias per rumantsch, istorgias da la natira, da las stagiuns e da mintgadi – sulettamain la politica n'è mai vegnida tematisada en il «Föglin da Silvaplauna». Durant radund 30 onns ha Anita Gordon da Silvaplauna scrit ils texts, Giorgia Gut ha fatg il layout e la vischnanca da Silvaplauna ha derasà els.

Ord motivs da sanadad smetta Anita Gordon da Silvaplauna da publitgar il föglin, la davosa istorgia saja gia scritta.

Da pli baud aveva Anita Gordon dà curs da rumantsch. Per pudair pussibilitar als participants da leger era durant l’onn texts rumantschs è naschida l’idea dal föglin. Ina giada il mais è cumparì ina ediziun, quest november dentant per l'ultima giada. 240 abunentas ed abunents en Svizra, ma era sur cunfin avevan il «Föglin da Silvaplauna».

RR novitads 12:00