Avant questa radunanza eran vegnids tematisads lung e lartg ils midaments da la structura da la Lia Rumantscha. Trais models ha la suprastanza preschentà ordavant en las medias ed en las uniuns affiliadas. La discussiun a la radunanza è stada lunga. En il center da la discussiun è stada la dumonda: Tgenins èn ils proxims pass puncto restructuraziun?
Per il mument na sa mida nagut
Propostas hai dà differentas, sco per exempel da furmar ina cumissiun ch'elavura in nov model, ubain che la suprastanza surpiglia questa lavur, u era da laschar tut simplamain sco quai ch'i era fin ussa.
La fin hai dà per blers ina gronda surpraisa: La radunanza ha decidì cun 30 encunter 22 vuschs da laschar tut sco fin qua. Areguard ils differents models ch'eran sin maisa hai dà ina tscherta discussiun da basa, ma senza ir en ils detagls.
RR novitads 16:00
