Siglir tar il cuntegn

Header

cuntegn

Festival da Jazz Eveniments stritgads e nov lieu per concerts

Per resguardar tut ils puncts dal concept da segirtad – han ils organisaturs dal Festival da Jazz da desister dals concerts planisads entamez San Murezzan. Ils organisaturs na pudessan numnadamain betg garantir d’avair la controlla quanta glieud ch'è sin l’areal.

La soluziun da cumpromiss hajan els chattà ensemen cun la suprastanza communala da San Murezzan. Quella aveva dà glisch verda per il festival suenter curreger singuls detagls dal concept il glindesdi.

Nagina 13avla giada

Causa problems da sanadad na vegn la pli veglia e fidaivla chantadura dal Festival da Jazz betg a dar in concert quest onn. Il concert cun Othella Dallas - sautunza e chantadura americana da 95 onns - è vegnì stritgà. Persuenter datti in segund concert dad Afra Kane. Era betg sin tribuna vegn Daniel Humair – ses concert a San Murezzan è spustà.

Grondas sfidas

Per accumplir tut las pretaisas dal cussegl communal da San Murezzan areguard las prescripziuns da segirtad, han ils organisaturs gì d’augmentar la preschientscha dal persunal avant e durant ils singuls concerts. Nov duai uss dar – tenor prescripziun dal Chantun Grischun – controllas dals numers da telefon ch’ils giasts inditgeschan avant ch'entrar.

Buna bilantscha

Tenor Michael Rüegg, il pledader dal Festival da Jazz, sajan els cuntents suenter avair passentà l’emprim’emna. Tras las restricziuns causa il coronavirus na possian els era betg congualar il festival cun quels dals onns passads. Dentant valia per ils giasts la qualitad dals concerts fitg bler – e finalmain fetschia la vendita dals bigliets ora ina pitschna part dal budget dal Festival da Jazz, ha Michael Rüegg ditg.

RTR novitads 12:00

Artitgels legids il pli savens

Scrollar a sanestra Scrollar a dretga