Siglir tar il cuntegn
Inhalt

Engiadina «Famiglias bainvegnidas» a Puntraschigna

La vischnanca da Puntraschigna ha survegnì il sigil da qualitad «Famiglias bainvegnidas» da l’uniun Svizra turissem. Quella surdat il titel a destinaziun ch’èn spezialmain bain adattadas per famiglias. Puntraschigna è per ils proxims 3 onns 1 da 26 lieus en Svizra che porta quest sigil.

Puntraschigna dastga ils proxims 3 onns purtar il sigil da qualitad «Famiglias bainvegnidas».
Legenda: Puntraschigna dastga ils proxims 3 onns purtar il sigil da qualitad «Famiglias bainvegnidas». Keystone

Per cuntanscher il label han las vischnancas d’accumplir pliras premissas a reguard infrastructura e purschida. Puntraschigna porscha tranter auter la via tar il glatscher da Morteratsch, il Pumptrack Cuntschett, il parc da raiver sin sugas autas, la chascharia alpina, la regiun da skis Languard u er la plazza da glatsch Roseg.

Plinavant correspundan 2 hotels, 4 restaurants e radund 50 abitaziuns da vacanzas a Puntraschigna al profil dumandà.

Fitg cuntent cun il nov sigil da qualitad

Sco quai ch’il manader da Puntraschigna Turissem, Jan Steiner scriva en la communicaziun a las medias, sajan ins fitg cuntent cun il nov sigil da qualitad. Surtut en in temp fitg pretensius en il turissem dovria er Puntraschigna ina purschida innovativa per attrair dapli giasts, er cun famiglias.