Siglir tar il cuntegn
Inhalt

Engiadina Explosiun da custs per l'ovra idraulica sur cunfin

L’ovra idraulica cuminaivla tranter la Svizra e l’Austria era planisada cun custs da 461 miu euros. Proablamain custa l'ovra dentant passa 70 milliuns Euros dapli.

Construcziun dal mir ad Ovella.
Legenda: Problems geologics per fabritgar il mir ad Ovella. OEE SA, S. Kuntner

Sco che la direcziun da l’ovra cuminaivla En (OCE) ha communitgà, fetschia ella quint cun in augment da custs da 16%, vul dir da 74 milliuns euros (80.5 miu francs).

Las Ouvras Electricas d’Engiadina OEE èn participadas cun 14% via da la OCE. Ils partenaris austriacs èn la TIWAG cun 76% ed il Verbund cun 10%.

Ils trais partenaris han approvà quest augment da custs uschè che las lavurs pon vegnir cuntinuadas sco planisadas.

Dapi trais onns vegn sin plirs plazzas realisà la nova ovra idraulica. Dapi lura cumbattan ils patruns sco era ils impressaris cun differents problems. La OCE argumentescha l’augment da custs cun problems geologics e ch’ins ha stuì midar nunspetgadamain l’interpresa da construcziun per la caverna da 23 km lunghezza tranter Martina (CH) e Prutz (A).

Tge è la OCE?

L'onn 2020 è previs da metter en funcziun l’ovra idraulica. Quella fiss ina da las pli grondas ovras idraulicas cun aua currenta da las Alps. Ella ha ina lunghezza da 23 kilometers e produciss energia per 90’000 chasadas.

RR novitads 11:00