Siglir tar il cuntegn

Header

Stanza cun maisas e paraids nairas suenter il brischament en il hotel Bellavista a Ftan.
Legenda: La polizia chantunala sto uss sclerir pertge ch'i ha brischà en il hotel. PoCha GR
cuntegn

Engiadina Evacuà 40 persunas pervi d’incendi en hotel Bellavista

En il Hotel/Restorant Bellavista a Ftan è rut or in fieu la notg passada, 40 persunas han stuì vegnir evacuadas, nagin n’è vegnì blessà.

Sco che la polizia chantunala grischuna scriva, haja in giast sentì la notg enturn las 2:00 in fried da fim e constatà en il corridor bler fim.

El haja alura clamà tut ils ulteriurs giasts ed alarmà ils pumpiers. Ils giasts han pudì bandunar il hotel tras las extradas d’urgenza. Ils possessurs dal hotel han pudì vegnir liberads tras ils pumpiers. L’ospital a Scuol ha controllà tut ils evacuads sin pussaivlas tissientadas da fim. La raschun dal fieu vegn uss sclerida da la polizia chantunala.

RR novitads 12:00