Engiadina - Ervas per sanadad, bellezza e cuschina gista sper via
Las ervas selvadias e lur atgnadads han furmà la basa per l’emprim «Festival delle erbe» en la Val Puschlav. Cun la nova purschida d’in inscunter da dus dis vul ins attrair a giuven e vegl da vegnir a scuvrir las numerusas pussaivladads ch’i dat per elavurar e mangiar ervas.
Cun Meret Bissegger, ina cuschinunza passiunada ed autura da plirs cudeschs, han ils organisaturs en la val taliana porschi in’attracziun speziala per l’emprima ediziun dal «Festival delle erbe». Da la partida èn stadas bleras persunas ch'han gia in’idea da plantas e che elavuran er gia erbas.
audio
Valposchiavo tira a niz sia biodiversitad
02:49 min, ord Novitads dals 21.05.2017.
laschar ir. Durada: 2 minutas 49 Secundas.
Ina spassegiada cun egliada per terra
Suenter in’introducziun tras l’experta Bissegger, han las bun 120 persunas pudì ir en gruppas a scuvrir la gronda varietad ch’ins chatta cun guardar pli bain tge che crescha tut be paucs meters davent da chasa.
Puspè turnar tar il genuin
Grazia a l’inspiraziun dal festival duain ils visitaders er survegnir novas ideas co ch’ins pudess duvrar ed elavurar las ervas selvadias en il mintgadi. Uschè è dasper in aperitiv cun differentas ervas er stà ina show da moda in punct sin il program dal «Festival delle erbe». Ultra da quai han ins la dumengia pudì sagiar spezialitads regiunalas cun odurs e gusts dad ervas al pitschen «mercatino».
1 / 8
Legenda:
Meret Bissegger durant l'excursiun enturn chasa.
RTR, Anna Caprez
2 / 8
Legenda:
L'interess per las gitas guidadas è grond al Festival delle erbe.
RTR, Anna Caprez
3 / 8
Legenda:
Ervas selvadias ch'ins po mangiar chatt ins gist sper via.
RTR, Anna Caprez
4 / 8
Legenda:
Nutriment che crescha be sper chasa ch'ins na realisescha betg.
RTR, Anna Caprez
5 / 8
Legenda:
90 % da las ervas pon ins mangiar. Meret Bissegger mussa tgeninas.
RTR, Anna Caprez
6 / 8
Legenda:
Ingredienzas per ina salata pon ins tschertgar er sin in prà en furma da flur-chadaina.
RTR, Anna Caprez
7 / 8
Legenda:
Maria Grazia Marchesi, ina da las iniziantas dal Festival delle erbe en la Val Puschlav
RTR, Anna Caprez
8 / 8
Legenda:
Feglia gustusa sin las plantas.
RTR, Anna Caprez
