La vischnanca da Schlarigna contribuescha 26’000 francs vi dil chapital da fundaziun da 250’000 francs. Ultra da quai ha la radunanza communala era ditg gea a la cunvegna da prestaziun a la nova societad.
Uss mancan anc duas vischnacas
Schlarigna è la 10avla vischnanca che ha vuschà davart la nova furma per la destinaziun turistica a partir dal 2017. Sco proxim decidan ils votants da S-chanf en chaussa ils 22 da zercladur, La Punt Chamues-ch suonda sco ultima vischnanca ils 24 da zercladur 2016.
Gudogn empè da perdita
Ils 54 preschents a la radunanza communala da Schlarigna han ultra da quai approvà il rendaquint 2015, che serra cun in avanz da 1,89 milliuns francs. Budgetà era ina perdita da 183’000 francs.