Era Schlarigna approvescha statuts da la regiun

Suenter Samedan, Segl e Zuoz ha er la vischnanca da Schlarigna approvà ils statuts per la nova regiun Malögia. Per che la nova regiun giaja en vigur dovra quai in gea d'almain 7 da las 11 vischnancas da l'Engiadin'Ota e la Bregaglia.

il vitg da Schlarigna

Legenda da maletgs: La vischnanca da Schlarigna ha approvà ils statuts da la regiun Malögia. mad

La radunanza communala ha plinavant approvà il quint communal 2014 che serra cun in gudogn da 2,1 milliuns francs quai tar entradas da bunamain 21 milliuns.

Ils da Scharigna han plinavant concedì differents credits da total bunamain in milliun francs. Uschia 350'0000 francs per planisar da revitalisar l'En, in credit supplementar da 290'000 francs per la plazza da sport San Gian, 185'000 francs per l'indriz da barriera a la staziun Staz e 120'000 francs per posiziunar turisticamain meglier la vischnanca da Schlarigna.

RR novitads 8:30