Siglir tar il cuntegn
cuntegn

Engiadina Era Bever di gea a la serenera regiunala

La radunanza communala da Bever ha approvà tut las tractandas che la suprastanza aveva suttamess senza ina cuntravusch.

Vischnanca da Bever
Legenda: Era ils da Bever dian gea a la serenera regiunala en Engiadin'Ota. mad

La radunanza communala da Bever ha approvà unanimamain in credit da passa 2,2 milliuns francs per la nova serenera regiunala da l’Engiadin’Ota. Questa duai vegnir realisada a S-chanf e vegn a custar radund 76 milliuns francs. En tut cumpiglia quest project 9 vischnancas da San Murezzan fin e cun S-chanf. Anc da vuschar en chaussa han ils da Zuoz e Madulain.

Plinavant han ils da Bever approvà il budget per il 2017. Quel prevesa in pitschen surpli da 23’500 francs. Ultra da quai duai il pe da taglia restar sco fin da qua e quai tar 80% da la taglia chantunala simpla. Adattadas vegnian perencunter las taxas per aua persa e da rument.