Siglir tar il cuntegn

Engiadina Er Swisscom pertutgada da scandal da cartels

Per lavurs da construcziun ha er la Swisscom pajà memia bler en l'Engiadina Bassa.

Logo da Swisscom illuminà vi d'ina chasa.
Legenda: Er la Swisscom è pertutgada dal scandal da cartels. Keystone

L'affera da cartel en l'Engiadina Bassa s'extenda adina dapli: Era la Swisscom è unfrenda da las cunvegnas davart ils pretschs. Quai mussan retschertgas da l’emissiun «10 vor 10». I giaja per incumbensas da construcziun en l'autezza da plirs milliuns francs che las firmas da construcziun hajan repartì tranter ellas dal 1997 al 2012.

Quant che la Swisscom ha eventualmain pajà da memia, vegnia sclerì, ha communitgà il concern da telecommunicaziun. Las firmas da construcziun pertutgadas veglian cooperar cun las autoritads. Uschia è la Confederaziun – sco acziunari da maioritad da la Swisscom – tuttina era pertutgada dal scandal da cartels en l'Engiadina Bassa.

RR novitads 06:00