Siglir tar il cuntegn

Header

Navigaziun

cuntegn

Engiadina Entant nagina maisa radunda per «Serletta Sid»

La populaziun da San Murezzan aveva ditg gea a la planisaziun locala Serletta Sid, che duai pussibilitar ina nova Clinica Gut ed in hotel da sanadad. Encunter questa planisaziun èn vegnids inoltrads 10 recurs. Finamira suenter la votaziun era da seser ensemen per chattar ina soluziun.

Serletta Süd
Legenda: Anc n'è betg vegnì discurrì davart in cumpromiss per Serletta Sid a San Murezzan. RTR, D.Müller

Las partidas involvadas, surtut la Clinica Gut e da l'autra vart ils hotels Kulm e Palace, avevan signalisà l'intenziun da seser vi d'ina maisa per chattar ina soluziun cuminaivla.

Tenor infurmaziuns dal president communal da San Murezzan, Sigi Asprion, n'hai dentant anc dà nagin inscunter.

La vischnanca haja dumandà ils pertutgads da sa scuntrar, ins haja dentant survegnì ina resposta negativa. Quai cun l’argumentaziun ch’ins veglia spetgar fin ch'ils recurs encunter la planisaziun locala èn tractads. En tut hai dà 10 recurs encunter la planisaziun locala Serletta Sid che duai pussibilitar ils 2 novs bajetgs.

RR novitads 10:00