Engiadina - Enguladitsch en bischutaria a Samignun
En il vitg da Samignun han nunenconuschents rut en la notg passada en ina bischutaria ed engulà rauba en la valita da plirs 100'000 francs. Sco quai che la polizia communitgescha saja l'enguladitsch capità curt suenter las 3.
Ils delinquents nunenconuschents hajan engulà in grond dumber d'uras custaivlas. Silsuenter sajan els fugids.
La polizia chantunala grischuna ha instradà ina investigaziun ensemen cun il corps da la guardia da cunfin e la polizia dal Tirol. Quella n'ha però betg gì success. Persunas che pon far indicaziuns davart l'enguladitsch èn supplitgadas da s'annunziar tar la polizia.
