Siglir tar il cuntegn
Inhalt

Engiadina Enguladitsch da plirs tschientmilli francs a San Murezzan

A San Murezzan han nunenconuschents rut en la notg sin glindesdi en ina butia ed engulà cameras ed accessoris per plirs tschientmilli francs.

Pitga cun la quala ils nunenconuschents han sfratgà en la fanestra.
Legenda: Cun questa pitga han ils nunenconuschents sfratgà en la fanestra per entrar en la butia. MAD

Entrà en la butia èn ils nunenconuschents cun sfratgar en ina fanestra cun agid d’ina pitga d'armadira. Quai communitgescha la polizia chantunala. Suenter l'enguladitsch èn els scappads cun in VW Golf ch'els aveva engulà a Trimmis. En la Via Chavallera a San Murezzan han ils delinquents lura parcà quest auto e là probablamain midà vehichel ed èn scappads. La polizia tschertga perditgas.

RR actualitad 17:00