La polizia chantunala grischuna ha er sclerì il terz engol cun rumper en a Samignun. Sin ina bischutaria è vegnì rut en quest onn gist trais giadas - l'avrigl, il matg e l'avust.
Las inquisiziuns han mussà che per l'engol dal matg e da l'avust èn ils medems delinquents responsabels. Quels trais umens èn gia arrestads ed er la rauba engulada è en segirtad. Per l'engol da l'avrigl ha la polizia pudì arrestar quatter da tschintg delinquents. Er là è la pli gronda part da la rauba engulada en segirtad.
