Siglir tar il cuntegn

Header

cuntegn

Engiadina Engiadina perda ses agen emettur da radio

A partir dals 20 da schaner moderescha Radio Grischa mo pli da Cuera anora.

Cun il nov studio a Cuira han ins integrà il program per las valladas dal Grischun dal sid en il program da Radio Grischa. Il studio a Samedan, nua che vegniva emess las emissiuns da Radio Grischa Südbünden, na vegn betg pli duvrà.

Correspundents en Engiadina

Ils collavuraturs engiadinais lavuran a partir dad immediat sco correspundents per Radio Grischa. Plazzas na van naginas a perder. Quai ha il maina-gestiun medias da la Somedia, Silvio Lebrument, confermà envers RTR.

25 onns istorgia da radio

Cumenzà aveva l'istorgia il 1. da december 1990. Sut il num Radio Piz Corvatsch vegniva purschì cun grond success in program da radio per l’Engiadina. Suenter 5 onns ha alura midà il possessur, ed uschia era il num,numnadamain Radio Piz.

Dapi 15 onns ensemen cun Radio Grischa

A partir da l’onn 2000 han ins cumenzà da collavurar cun Radio Grischa. Cun quella collavuraziun han ils lura era reducì l’agen program sin 4 uras la damaun. Il 2004 han ins midà il num sin Radio Engiadina, ed a la fin avevi num Radio Grischa Südbünden. Dentant è il radio en l’Engiadina uss istorgia, e quai suenter bunamain 25 onns.

Artitgels legids il pli savens