Tar la restructuraziun da la serenera Staz a Schlarigna è vegnì chattà en il palantschieu da basa dapli fastizs da PCB che spetgà. Quels na pon betg vegnir laschads en il terren pervia da la protecziun per l’aua sutterrana ed han da vegnir allontanads.
A la radunanza dal consorzi per las auas persas Engiadin'Ota, curt AVO, èn ils delegads vegnids infurmads davart ils custs supplementars da total 625’000 francs. Sco ch’il manader da gestiun dal consorzi, Gottfried Blaser ha declerà ad RTR, vegnian quels custs ussa scumparids, tenor la clav da repartiziun, sin las vischnancas da Schlarigna, Puntraschigna e San Murezzan.